Pas largimit të barrikadave në Rudarë, fillon të hiqet edhe një barrikadë tjetër.
REL raporton se edhe në Zupç të Zubin Potokut, ka filluar tërheqja e automjeteve që ishin vendosur si barrikada nga serbët lokalë.
Fshati Zupç gjendet në afërsi të magjistrales Mitrovicë – Bërnjak.
Paraprakisht, në një konferencë për media kryeministri Albin Kurti deklaroi se 9 barrikada janë të vendosura në veri të vendit.
Ai përsëriti zotimin se zbatimi i vendimeve të Qeverisë do të shtyhet kur të hiqen barrikadat.
“Presim që gjatë ditës së sotme të hiqen të gjitha barrikadat”, tha Kurti.